فزورة لـ أحمد فؤاد نجم

شوف عندك يا سلاملم
واتفرج يا سلام

فزورة قرعاوية
من إنتاج النظام

سمك لبن طماطم
بصل عسل سخام

يساوي حزب حاكم
وآخر انسجام

ولسه نشوف طلاسم
مادام الوعى نام

واتفرج يا سلاملم
وافهمها يا سلام

***
واحد بقال تموين
كان مطرح طه حسين!

وكمان مرضيش بالمطرح
تفتكروا يروح على فين؟

كان قال فى الجامعة مدير
على درجة نص وزير

أثبت في القرع مواهب
أكبر من سنه كتير

ولإن الشله إياها
مواهبها ماهيش وياها

اعتبروا صاحبنا هدية
للأوساط القرعية

هيلا بيلا وشيلة ويا للا
لفعوا البقال اسم الله

على مجلس أنس الشلة
بقى ريس فرقة كبير

واحد بقال تموين
تفتكروا دا يطلع مين؟