هلا ما نسنس الغربي لـ الشيخ محمد بن راشد آل مكتوم

هلا ما نسنس الغربي وما غنّى الحمام وناح
على دوح ظليل وفيه ايردد الحونه

تزخرف ورده الباسم بروض من عبيره فاح
وورد الزهر عنابيله ولو ما كان يسقونه

وما تذري ذواري البرّ نسيم البارد الصبّاح
وأعفت م الأثاري ما بقي منها ولا كونه

يكون ابحاضر الماضي وشرف الخير به ترتاح
فلا لا زال بل ما كنتوا تعرفونه

بنومه شوفكم دايم وكلّ الهايعه طيّاح
فلا يرقد ولا يهنا ولا تغضي له اعيونه

ولا ينلام مجروح بحد الصّارم الذّبّاح
فلا تسمع كلام الغير اذا رادوا يضرّونه

إذا كان في بدع التّماثيل لك نصّاح
ترفّق بكل اللّى سقاه الزمن هونه

أخشى من الميل يالمحبوب سدّي باح
تحلى المعادن والذهب يبقى على لونه

أسفر هواكم بالمحبّه مثل ما لاح
برق بعيد على دار تخيلونه

وانور سماكم بالمحبّه ونوره شاح
كما نور صبح نوّر الآفاق في كونه

لكم بالمحبّه صادق مخلص نصّاح
صافي لكم بالحبّ وانتوا تحبّونه

ترفّق ترى حال المولّع بداه إلحاح
كما لحّ مشتاق على شوف مضنونه

عليكم يرفّ القلب رفّة خفوق إيناح
يشوف الحباري والصقاقير يدعونه

ألا يا عقيد أريام في طلعة المسراح
يربّ الخلا الخالي عن اللّى يرودونه

كذا دارت الدنيا بذكر الماضي الشّحاح
يدور الكون فينا وحنّتا واسط اركونه

إذا تذكر من الماضي بلعب اعظيم يالّواح
يفوز ابحقّه الرابح خسارة لى يروغونه

ألا يا عذولي في الهوى قلبي الطمّاح
أرى العذل في قلب المشقّى يزيدونه

تدور المحبّه بي كما دورة التّلواح
مرّه يدور ومرّه في العالي يفرّونه

أنا مثل منهو هدّ طيره عليه إوراح
خفى واختفى من كفّ ناس يربّونه

ولا يابه الصّايح وزقره وفرّ إيناح
تعلاّ في جوّ السّما ينفض اركونه

صجير بلا طيره لا يسلى ولا مرتاح
يردّد الصّيحه مثل ما يردّد الحونه

يشورف ويرقا ما تعّلا على الميضاح
ويسأل وينشد كود ناس يدلّونه

سلامي عدّ ما دنّت رعود أو سالت الأبطاح
وزخرف عشبه الجيعان وكلّ البرّ خضر لونه

وطاب الكيف للرّاحل تحثّه شمقة المرواح
مخاضير مغاني واد ابها إيريّح اعيونه