أوأة المجنون أبو برقوقة
بزبيبة غش وملزوقة
نصاب ومنافق وحرامى
ودماغه مناطق موبوءة
والنكتة كمان انه حلنجى
وعامل لى فكاكة وحندوقة
مع ان الجحش أفهم منه
والعالم فاهمة ومفلوقة
بسلامته بيسرح قال بينا
يعنى احنا مواشى يا زقزوقة
دا احنا الحريفة العريفة
غيرش الأيام المدعوقة
شفت الولدات الشلبية
ليلة التحرير يا اسطى فاروقة
دول هما ولادنا وأكبادنا
وقلوبنا عليهم مشقوقة
حلوين وحياتك يا بلدنا
يا أم الخيرات المسروقة
يا سلام يا صلاة النبى أحسن
على جيل العلم يا مرزوقة
إحنا اللى رمينا البذراية
وروينا الأرض المعزوقة
وحنفرح بكره وحنغنى
وعيون الأبعد مخزوقة
1 تعليقات
برافو يا همت
ردحذف