الشوارع حواديت
حوداية الحب فيها
وحوداية عفاريت
اسمعي يا حلوة لما اضحكك
الشارع دا كنا ساكنين فيه زمان
كل يوم يضيق زيادة عن ما كان
أصبح الآن بعد ما كبرنا عليه
زي بطن الأم ما لناش فيه مكان
الشوارع حواديت
حوداية الحب فيها
وحوداية عفاريت
اسمعي يا حلوة لما اضحكك
الشارع دا رحنا فيه المدرسة
اللي باقي منه باقي
واللي مش باقي اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت
الشوارع حواديت
حوداية الحب فيها
وحوداية عفاريت
اسمعي يا حلوة لما اضحكك
الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد وكنت سعيد قوي
بس حراس الشوارع حطوا للحدودتة حد
الشوارع حواديت
حوداية الحب فيها
وحوداية عفاريت
اسمعي يا حلوة لما اضحكك
الشارع دا شفتك إنتي ماشية فيه
لابسة جيب وبلوزة وردي
وعاملة ديل حصان وجيه
اتجاهك اتجاهي مشينا ليه
والشارع دا زحام وتيه
بس لازم نستميت
والشوارع حواديت
حوداية الحب فيها
وحوداية عفاريت
واضحكي يا حلوة لما اسمّعك
0 تعليقات