براءة الأخت لـ مظفر النواب

خوي كابلت السجن
حر وبرد ليلي ونهاري
تحملت لجلك شتايم على عرضي
وأشعلت ليلي بنهاري
تالي تهتكني بخلك وصلة جريدة
كرة عيونك يخوي بهاي جازيت انتظاري
بهاي اكابل كل أخت تنتظر منك ثار لعرضها
بهاي أكابل أمهات الناس وهمومي أفضها
جنت ارضي أتدوس أعظامي
وكلك حيل رضها
جنت ارضي تذبح أبطني جنيني
ولا براءة عار متبركع تجيني
ولا تكون الكاع تبلعني ش خبر الناس
ولينشد شكله
شلون تجابل عيون المحلة
شلون أوصفك وأنت كلك عار وذلة
بعد مالك ارض ويانا وخبز
لا تصل يمنة وهاك اخذ عار الجريدة
ولف ضميرك والكرامة
مثل ما تبريت من شعبك
تبرينا من اسمك
يا شعب هذا ألتشوفه موش ابنا