قوم يا مصري .. مصر دايما بتناديك
خد بنصري .. نصري دين واجب عليك
يوم ما سعدي راح هدر قدام عينيك
عد لي مجدي اللي ضيعته بإيديك
شوف جدودك في قبورهم ليل نهار
من جمودك كل عظمة بتستجار
فين آثارك ياللى دنست الآثار
دول فاتوا لك مجد وانت فوت عار
***
شفت اي بلاد يا مصري في الجمال
تيجي زي بلادك اللي ترابها مال
نيلها جي السعد منه حلال بلال
كل حي يفوز برزقه عيشته عال
يوم مبارك تم لك فيه السعود
حب جارك قبل ما تحب الوجود
ايه نصارى و مسلمين قال ايه و يهود
دي العبارة نسل واحد م الجدود
***
ليه يا مصري كل أحوالك عجب
تشكى فقرك وانت ماشى فوق دهب
مصر جنة طول ما فيها انت يا نيل
عمر إبنك لم يعيش أبدا ذليل
يوم مبارك تم لك فيه السعود
حب جارك قبل ما تحب الوجود
ايه نصارى و مسلمين قال ايه و يهود
دي العبارة نسل واحد م الجدود
كان هذا النشيد هو نواة الألحان الوطنية المصرية في ثورة 1919 كتبه الأستاذ بديع خيري في ثورية يستفز بها جموع الغافلين عن وطنيتهم وكان بدايته فوق يا مصري. وعندما سجل سيد درويش هذا النشيد استبدل استهلال النشيد بكلمة
قوم يامصري بدلا من فوق يامصري.
كما استغنى سيد درويش عن الجزء الثالث من النشيد ثم أضاف بدلا منه كلمات أخرى ضمنها بعض المعاني التي تجيش في صدره.
0 تعليقات