منين بيجي الشجن لـ سيد حجاب

منين بيجي الشجن .. من اختلاف الزمن
ومنين بيجي الهوى .. من ائتلاف الهوى

ومنين بيجي السواد .. من الطمع والعناد
ومنين بيجي الرضا .. من الإيمان بالقضا

***
من انكسار الروح في دوح الوطن
يجي احتضار الشوق في سجن البدن

من اختمار الحلم ييجي النهار
يقعد غريب الدار لأهل وسكن

***
ليه يا زمان ما سبتناش أبرياء
وواخدنا ليه في طريق ما منوش رجوع

أقسى همومنا تفجر السخرية
وأصفى ضحكة تتوه في بحر الدموع

***
ولفين يأخذنا الأنين لليالي ما لهاش عينين
ولفين يأخدنا الحنين لواحة الحيرانين

ما تسرسبيش يا سنينا من بين ايدينا
ولا تنتهيش ده احنا يا دوب ابتدينا

واللي له أول بكـرة حيبان له آخر
وبكرة تفرج مهما ضاقت علينا

***
ولفين يأخذنا الأنين لليالي مالهاش عينين
ولفين ياخدنا الحنين لواحة الحيرانين

لا بد من بكرة اللي طال انتظاره
ده مهما طال الليل بيطلع نهاره

ومهما طال درب الهموم والمساخر
لا بد ما يعود اللي سافر لداره